 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
E. Tarleckamu
Na Čyrvonym kaściole Maci Boskaja,
Jak samotnaja, biesprytulnaja ptuška,
Ab dachoŭku raniačy nohi bosyja,
Mołicca pa abłudnych dušach.
Pa samym krajočku ściežku namacvaje,
Na ruki skalełyja chukaje – zołka.
Adno i zastałosia – u aktorki najmacca.
Mo i atrymałasia b kinazorka.
Chodzić hetak i šepča paciery
Na niazvykłaj tutejšaj movie,
Ŭsiu-usieńkuju noč nia spacimie
Ź vietram volnym adzina ŭ zmovie.
A ź ziamloju słabiejuć poviazi.
Dzie śviatar, pazbaŭleny sana?
Mo Kupała pryjdzie da spoviedzi,
Ci niabožčyku nielha taksama?
A jak vielmi spatrebicca raptam –
To biazbožnik adkaža rapartam:
– Nie ŭzarvałi, nie aplavałi i
nie zrabiłi, maŭlaŭ, kacielni,
nie raskidałi nat plabanii.
Choć siahońnia – u zvon kaścielny!
A ŭviečary pryjduć babulki staryja
I chram biaz Boha abyduć trojčy.
A ślozy i tyja – adno stearynavyja,
A žyć, jak i płakać – pryvykłi moŭčki.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
